Desde este xoves aberto o prazo para solicitar axudas por suspensión ou redución de actividade pesqueira

13 Agosto 2020

O Boletín Oficial do Estado (BOE) publicou a liña de axudas por 30 millóns de euros por suspensión ou redución da actividade pesqueira.

O prazo de solicitudes abreuse este xoves, 13 de agosto, e durará 15 días. Segundo esta orde de axudas, os profesionais da pesca poderán percibir ata un máximo de 50 euros por día de parada desde o 16 de marzo. Poden ser beneficiarios tanto armadores como persoas dedicadas á pesca que traballasen a bordo dun buque pesqueiro español afectado pola paralización vinculada á pandemia. Segundo informa a Delegación do Goberno nun comunicado, o obxectivo “é facer chegar de forma urxente liquidez” ao sector, polo que se acurtan os prazos “ao máximo para asegurar a plena eficacia e efectividade da medida”. Esta liña de axudas está cofinanciada polo Fondo Europeo Marítimo Pesqueiro (FEMP) e aborda as contías máximas.

Outros artigos

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...