Congalsa lanzou un novo vídeo corporativo no que destaca os alicerces de identidade da compañía novo vídeo corporativo de Congalsa, no que queren transmitir os alicerces da súa filosofía de traballo e no que se define e identifica como organización: a sustentabilidade, a mellora continua e o activo máis valioso da nosa compañía, as persoas.
Valores e marcas: Neste novo vídeo tentan compartir coa súa audiencia, os valores que forman parte do ADN de Congalsa; os ideais, a cultura e a aposta polo futuro que definen o modelo de sustentabilidade. Estes valores son o resultado de 30 anos de experiencia no sector de elaborados de produtos do mar e masas e convertéronse nos alicerces fundamentais da estratexia de desenvolvemento sostible. A protección dos recursos mariños, a implementación dun modelo de mellora continua ou a implicación co capital humano, comparten protagonismo nesta peza audiovisual coa presentación das marcas comerciais, que propoñen diferentes solucións de alimentación adaptadas ás necesidades tanto de profesionais como particulares. A través da creación de diferentes escenarios e momentos de consumo, a intención é comunicar de maneira máis eficaz e fluída a capacidade dos seus procesos, a perspectiva de futuro da compañía e o valor engadido das súas marcas: Ibercook Food Service, para os profesionais da hostalería, Ibercook Fun Food, a gama de produtos deseñada para gozar en casa e Nowtural, a gama máis recente de produtos 100% naturais e coa sustentabilidade como atributo fundamental.
