A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 533, deles 246 son da área da Coruña, 79 da de Lugo, 37 da de Ourense, 44 da de Pontevedra, 81 da área de Vigo, 40 da de Santiago, e 6 da de Ferrol. Sen embargo a diferencia de altas de onte e os positivos elevan a 111 os novos afectados pola COVID- 19 nun día.
Do total de pacientes positivos, 3 están en UCI, 25 en unidades de hospitalización e 505 no domicilio. Polo de agora, en Galicia hai un total de 11.403 persoas curadas, rexistrándose 620 falecementos.
O número de PCR realizadas é de 262.510.
Tal como informamos en O Barbanza unha muller de 91 anos que estaba ingresada no Complexo Hospitalario Universitario de Ourense ( CHUO) e que fora diagnosticada por coronavirus faleceu na tarde deste venres, segundo informou a Consellería de Sanidade. O desta muller, que presentaba patoloxías previas, correspóndese co primeiro caso positivo relacionado co brote de Vilar de Barrio (Ourense), polo que tamén permanece ingresado o seu marido de 90 anos.
A deste venres é a primeira morte rexistrada en Galicia desde o pasado 10 de xuño, cando foi notificada a última vítima mortal, un home de 83 anos que estaba ingresado no Complexo Hospitalario Universitario de Vigo. Con estes datos, xa son 620 os pacientes falecidos en Gal
A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade reitera que segue alerta actualizando todas as medidas e recomendacións e en vixilancia permanente.
