A banda galega Broken Peach vai estar esta semana en Porto do Son, compensando aos seareiros musicais dun verán que, tal e como obrigaron as circunstancias, veu motivado pola contención, o aprazamento e a cancelación de encontros e concertos multitudinarios. A cita, un novo concerto convocado baixo as máis estritas medidas de seguridade e distanciamento, será este venres 28 de agosto ás 21.00 horas na praza de España da vila sonense.
A banda Broken Peach, para que non o saiba, é un grupo de catro mozas e tres mozos que centran boa parte dos seus esforzos en revisitar con enerxía e contundencia sonora algúns dos temas que máis soaron por estas terras nas pasadas décadas e mesturalos aínda que os ingredientes parezan difíciles de mesturar. Temas como Personal Jesus de Depeche Mode, Proud Mary de Creedance Crearwater Revival, Dont stop me now de Queen ou We are the champions, tamén de Queen.
