A área de Santiago – Barbanza rexistra 8 casos de activos de coronavirus, un máis que onte, cun ingreso en hospitalización convencional no Complexo Hospitalario de Santiago CHUS. O paciente non tivo que ser ingresado en críticos.
Este caso racha a tendencia da área sanitaria desde o 25 de xuño. O número de curados segue manténdose na comarca en 1.770, á vez que aumentan as PCR realizadas, que pasaron, nas últimas 24 horas, de 34.743 a 34.958 segundo informa o SERGAS.
Por outra banda a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 202, deles 27 son da área da Coruña, 136 da de Lugo, 5 da de Ourense, 9 da de Pontevedra, 17 da área de Vigo, 8 de Santiago, e ningún da de Ferrol. Do total de pacientes positivos, 7 están en unidades de hospitalización e 195 no domicilio, non habendo ningún en UCI. Polo de agora, en Galicia hai un total de 11.082 persoas curadas, rexistrándose 619 falecementos. O número de PCR realizadas é de 234.266.
