Ribeira pavimentará un novo tramo da beirarrúas do polígono de Xarás

08 Xullo 2020

Proseguindo con actuacións anteriores destinadas a aumentar a seguridade viaria no polígono de industrial de Xarás, o Concello de Ribeira vai proceder a executar unha nova intervención consistente na pavimentación do vial
e beirarrúas dunha zona deste parque empresarial.
Así, o tramo onde se centra a actuación, emprazado na avenida Ramiro Carregal Rey, ten beirarrúas construídas en formigón en masa que se atopan bastante deterioradas, ao igual que a calzada.
Por tal motivo, os servizos técnicos elaboraron un proxecto técnico que inclúe a pavimentación das beirarrúas mencionadas cunha capa de formigón de 15 centímetros de espesor cun mallazo de 15×15 centímetros de 6 milímetros de diámetro, en tanto que a calzada será asfaltada con aglomerado en quente. Os traballos concluirán co pintado do vial.
A actuación comporta un investimento de 116.528 euros, dos cales o 80% (92.223 euros) proceden dunha subvención da Consellería de Economía, Emprego e Industria da Xunta de Galicia para a habilitación e mellora de infraestruturas para parques empresariais que hoxe o departamento autonómico comunicou ao Concello. O prazo de execución son catro meses.

Avenida Ramiro Carregal. Polígono de Xarás. Ribeira

Outros artigos

Iniciada a reparación da rampla do peirao de Aguiño

A empresa Audeca comezou os traballos de reparación da danada rampla do peirao de Aguiño, en Ribeira, unha obra longamente esperada pola confraría local e que requiriu máis dun ano de tramitación. O custo da actuación ascende a uns 40.000 euros. A obra divídese en...

+

Ribeira presenta o programa de conciliación para o verán 2024

Concello O segundo tenente de alcalde Vicente Mariño e a concelleira Tania Redondo presentaron hoxe o programa de conciliación Días Sen Cole de cara ao verán deste ano 2024.A área de Servizos Sociais Comunitarios impulsa os campamentos de conciliación durante as...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...