Pouco a pouco, aínda que con limitacións, as parroquias da comarca retoman a súa actividade habitual. As comuñons, bautizos e vodas vanse celebrando aínda que limitando os asistentes. En Ribeira por exemplo, preto de 60 nenos e nenas da parroquia de Santa Uxía celebran a súa Primeira Comuñon nos meses de verán.
O que si están limitadas son as celebracións relixiosas nas que se congregan centos e miles de fieis. É o caso de San Cristovo, patrón dos condutores, que se celebra este domingo con Eucaristía pero sin procesión. O acto relixioso terá lugar as 12.30 na misa parroquial.
Facendo historia sobre esta celebración En Ribeira había dous períodos de festas. As tradicionais do verán en agosto, que co paso do tempo foron tomando mais importancia ata converterse nas principais, e as dá Patroa, en setembro. Por certo estas últimas chegaban a xuntar as celebracións de varias festas locais e nalgunha ocasión tiveron duas semanas enteiras de festas.
A foto do Aquivo de Joferpa amosa a celebración dá festa en honra a San Cristovo patrón dos condutores. A imaxe situada sobre un camión, colocabase diante do Consistorio e os vehículos pasaban por diante mentres o sacerdote bendecía os coches, camións e motos desde as escaleiras da “Sala de Festas Cambeiro” enfronte xusto dá imaxe e desde onde se fixo esta fotografía.
Por certo á dereita do camión aparece precisamente, Xosé Fernández Cambeiro, daquela concelleiro municipal ribeirense. Esta é outras imaxes históricas pódense ver en www.riveira.eu. Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu
