O vindeiro venres 24 de xullo, ás 20.45 horas, e o martes 25 de agosto, ás 21.00 horas, retómanse en Rianxo as sesións de divulgación astronómicas co-impulsadas por Rianxo Ciencia, a Universidade de Santiago e mailo Concello. As novas citas, as dúas partes nas que se artella o congreso público A astronomía nas rutas xacobeas, serán no Centro Sociocultural – Auditorio de Rianxo. Haberá relatorios e tamén observacións do firmamento.
As persoas interesadas en acudir terán que reservar praza a través do correo electrónico auditorio@concelloderianxo.gal (preferente) ou facelo a través do teléfono 664 18 32 17. As reservas para a sesión do venres 24 deberán facerse entre o mércores 15 e o venres 23 (de 9 a 13.30 horas) e as da sesión do martes 25 entre o xoves 13 e o luns 24 (no mesmo horario).
