Logo dunha xuntanza mantida de cos representantes dos establecementos comerciais do concello co fin de coñecer de primeira man as súas necesidades neste mes de xullo e neste contexto de urxente revitalización do sector, a Asociación de Empresarios de Ribeira comunica que este vindeiro venres 24 de xullo, festivo local (xornada grande da Festa da Dorna, cuxas principais actividades foron interrompidas este ano por mor da pandemia de COVID), os responsábeis dos locais tomaron finalmente a decisión de abrir en horario de mañá.
A decisión foi tomada tendo coñecemento, tamén, da apertura do Mercado Municipal, que desta volta pasa a celebrarse o venres (por ser festivo o 25, Día de Galicia).
