Os camiñantes subiron este domingo aos balcóns de Porto do Son: os montes Dordo e Enxa

27 Xullo 2020

O Concello de Porto do Son organizou este domingo 26 de xullo, ao abeiro do programa O Son Camiña, un roteiro co que enxergar a ría de Muros e Noia, boa parte da Serra do Barbanza e o espectacular litoral sonense de praias, cantís, promontorios e vilas mariñeiras. Estamos a falar da ruta de catorce quilómetros de percorrido até os montes Enxa e Dordo, con punto de partida na explanada portuaria de Porto do Son. Participaron máis de dúas ducias de persoas.

Segundo informa o Concello, os dous montes actúan como soporte desta ruta, sendo o cumio do Dordo o que presenta a menor altitude pero o que aporta as vistas máis privilexiadas da vila de Porto do Son, e o do monte Enxa, que nos brinda unha das mellores vistas da ría de Muros e Noia.
Ademais, o punto de contacto destes dous montes alberga un piñeiral no que destaca o cruceiro de capeliña adicado á Virxe do Leite así como unha necrópole megalítica composta por 3 mámoas.

Outros artigos

Porto do Son celebra as Letras Galegas con música tradicional

O Concello de Porto do Son vai celebrar con música tradicional o Día das Letras Galegas, este 17 de maio, adicado á poeta coruñesa Luísa Villalta. Así, ademais das mancheas de actividades conmemorativas que se están a desenvolver estes días nos centros educativos do...

+

Publicidade

Revista en papel

Opinión

“O Barbanza: Cinco anos de xornalismo independente”

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...