O Mercado Municipal de Boiro achega esta semana unha novidade en materia de horario, debido á festividade local do xoves 16 de xullo. En concreto, a praza de abastos anunciou que terá as portas abertas o mércores en horario de tarde, con motivo das celebracións do día seguinte. Do mesmo xeito, o mercado permanecerá pechado o 25 de xullo, por festivo autonómico.
O Mercado Municipal de Boiro abre de luns a sábado en horario de 7.00 a 14.00 horas e está pechada polas tardes. O vindeiro mércores abrirá en horario habitual pola mañá e, pola tarde, estará aberta entre as 18.00 as 21.00 horas.
O xoves 16 de xullo, festividade do Carme, permanecerá pechada xa que é festivo local en Boiro, e o sábado 25 de xullo, festivo autonómico en Galicia, permanecerá tamén pechada.