Este xoves 9 de xullo a Casa da Mocidade da Pobra acollerá unha xuntanza informativa para a xuventude local de idades comprendidas entre os 16 e os 29 anos, co fin de darlles conta dos detalles do curso gratuíto sobre Nova Formación en Industrias Musicais, que ofrece a Fundación Paideia Galiza xunto coa asociación de desenvolvemento local Deloa. A xuntanza na Casa da Mocidade será ás 13.00 horas.
O curso sobre Industriais Musicais comezará este mes de xullo e desenvolverase até o 3 de setembro, en horario de 10:00 h a 14:00 h. Desenvolverase co formato de formación presencial. Para participar nel non se require formación relacionada nin coñecementos previos sobre a materia a tratar.
O Concello da Pobra informou de que as inscricións para participar na actividade formativa xa se poden facer na web de Paideia.
Na xuntanza informativa concretaranse as datas de cada un dos cinco bloques que constitúen o curso:
1.º Planificación e organización dun evento musical: 30 h
2.º Mercadotecnia e promoción: 20 h
3.º Desenvolvemento persoal: 16 h
4.º Competencias xerais para o emprego: 16 h
5.º Titorización: 10 h
