Un pai e unha filla que nadaban cunha táboa foron rescatados cando o mar arrastrábaos nun areal da Pobra entre Punta Cabío e a praia e A Illa. Segundo informou o CIAE 112 Galicia, o suceso tivo lugar pasadas as 19,00 horas do martes, cando un particular avisou aos servizos de emerxencias que un home e unha nena ían nunha táboa e que o vento os levaba cara ás bateas.
O 112 avisou a Salvamento Marítimo e do Servizo de Gardacostas de Galicia. Ademais, informaron a Garda Civil e á Policía Local, así como aos socorristas, que comunicaron que un barco de pesca estaba a achegarse a eles. Finalmente, foron recollidos polo pesqueiro, sans e salvos, e levados ata a beira do areal.
