A Consellería do Medio Rural dá por extinguido un incendio forestal iniciado na madrugada deste venres no municipio coruñés da Pobra do Caramiñal e que afectou a algo máis de 40 hectáreas. Segundo os datos de Medio Rural, o lume iniciouse sobre as 1,10 horas da madrugada na parroquia de Lesón e quedou extinguido sobre as 6,42 horas. As medicións GPS apuntan a que a superficie afectada foi de 42,42 hectáreas de monte raso. Na súa extinción participaron catro axentes, cinco brigadas e cinco motobombas.
