Lousame clausura este venres 24 os seus campamentos de verán. Farao, nunha xornada festiva e lúdica, na que fará acto de presenza a concelleira de Cultura, Silvia Agrafojo. O punto e final destes actividades de lecer, nas que participan dúas ducias de nenas e nenos de entre 4 e 12 anos de idade, consistirá nunha gran festa na que a rapazada estreará a última creación de Infantilandia: o inchable máis longo de Galicia, un circuíto de máis de 100 metros do que podemos ver, segundo lembra o Concello, unha mostra moi ilustrativa en Youtube.
Os rapaces empezarán o xogo a iso das 10:30 horas e dende a dita Concellería agardan ter a dita actividade preparada antes das 12:30 horas. Hai autorización para gravacións pero a persoa ou persoas que asistan deberán pasar polos mesmos controis que os rapaces e rapazas que participan: toma de temperatura, desinfección de calzado e desinfección de mans con xel hidroalcólico.
