O ‘Diario Oficial de Galicia’ publica hoxe a orde que establece os requisitos para que os pesqueiros que seguiron faenando durante a pandemia e as redeiras poidan acceder ás medidas previstas para eles no plan deseñado pola comunidade para reactivar o complexo mar-industria
Esta orde de achegas supón un investimento de 7,7 millóns de euros e pretende atender a dous grupos de profesionais que non se ven beneficiados polas medidas deseñadas polo Ministerio de Agricultura, Pesca e Alimentación ao abeiro da modificación do Fondo Europeo Marítimo e de Pesca
O conxunto de apoios habilitados para o eido marítimo-pesqueiro galego conta cun orzamento de 77 millóns de euros en 2020 e 14 millóns en 2021 co obxectivo de impulsar o antes posible a actividade trala crise pola covid-19.
