En Ribeira o programa “Rúas musicais” principiará este domingo en Artes

Rodeada de intérpretes, a concelleira de Cultura María Sampedro deu a coñecer este mediodía no miradoiro do Malecón unha nova programación para este verán que está formada integramente por grupos locais. O seu nome, “Rúas Musicais”, composta por quince concertos repartidos polas
nove parroquias do municipio, o primeiro dos cales terá lugar este
mesmo domingo ás 13 horas no Centro Recreativo de Artes a cargo
da Rock-Olas.
Sampedro explicou que a causa da pandemia moitas das actividades
lúdicas programadas polo departamento de Cultura tiveron que ser
canceladas (caso do Kurrala Rock de Corrubedo a pasada Semana Santa) ou reformuladas ante a necesidade de manter os protocolos de seguridade. De aí naceu esta iniciativa, organizada coa colaboración de Musieventos e que xurdiu man a man cos propios músicos da localidade.
Aposta polos grupos locais “Este verán a aposta que temos que facer é pola nosa xente e axudar aos nosos grupos”, declarou María Sampedro, quen engadiu que “eles sempre estiveron ao noso carón cando os necesitamos e creo que é o momento de corresponderlles e estar ao seu lado”.
O propósito —explicou a edil— é celebrar actividades tranquilas, focalizadas en sesións vermús ou no terraceo das tardes, que fagan máis agradable a estancia no noso concello. Moitas delas serán en festivos e vésperas de festivos ou en datas sinaladas como as que cadran nas festas patronais de Santa Uxía.

Rúas Musicais Ribeira

A programación é a seguinte:
 12 de xullo, Artes, 13 horas: Rock-Olas
 19 de xullo, Aguiño, 13 horas: Os Milindros  2 de agosto, Ribeira, 13 horas: Leite con Jalletas
 9 de agosto, Corrubedo, 13 horas: Os Bugis
 14 de agosto, Castiñeiras, 20.30 horas: Recambios Tucho
 15 de agosto, Ribeira, 13 horas: La Banda de Luke El Bala
Perdida
 15 de agosto, Palmeira, 20.30 horas: Alba e Loren
 16 de agosto, Carreira, 13 horas: Concerto Descaro
 23 de agosto, Olveira, 13 horas: Pantuma-K
 23 de agosto, Castiñeiras, 20.30 horas: Thais Suki
 30 de agosto, Ribeira, 13 horas: Aliaxe
 6 de setembro, Oleiros, 13 horas: Os Bugis
 11 de setembro, Ribeira, 21 horas: Espazo en Branco
 12 de setembro, Ribeira, 13 horas: Blow
 13 de setembro, Ribeira, 13 horas: Thais Suki