A emblemática palmeira que ocupaba o centro da praza do concello desde mediados dos anos cincuenta do século pasado, foi cortada esta mañá tras varios anos intentando recuperala.
A empresa encargada do mantemento dos xardíns municipais con sede en Rianxo, foi a encargada de cortar a palmeira afectada pola praga do picudo vermello. A pesar dos esforzos dos técnicos municipais que levaban anos tentando recuperala, non foi posible e o final procedeuse esta maña a primeira hora a cortala.
O concello vai facer un concurso público de ideas para ver que pode ocupar o centro da praza da que se desbota inicialmente repoñer con palmeira ou poñer unha fonte, dada a ubicación da mesma e que o nordés botaría a auga fora.
Outra da palmeiras, a situada no lateral esquerdo mais preto do consistorio, está a ser afectada tamén pola praga polo que podería correr a mesma sorte.
As palmeiras foron prantadas na segunda metada da década dos anos cincuenta e na imaxe do arquvo de riveira.eu pódese ver unha fotografía tomada desde a torre da igrexia na que aparece amais a emblemática Sala de Festas Cambeiro.
