Baixo a organización da Xunta de Galicia en colaboración co Concello de Ribeira, o primeiro andar do mercado municipal vai albergar os vindeiros días 27 e 28 de xullo un curso gratuíto de decoración de azulexos dirixido a todos os públicos, coa única condición de ter máis de 12 anos.
Para realizar a inscrición poden chamar ao 981 835 650 ou enviar un correo a normalizacion@ribeira.gal cos seguintes datos: nome e apelidos, nº de DNI, teléfono de contacto e lugar de orixe. Hai prazas limitadas (15 en total).
O curso, que se titula “Os azulexos na ruta xacobea do mar de Arousa”, será impartido polo artista Pablo Barreiro. Ambos os días en horario de 10 a 14 horas.
