Tradicionalmente, dende fai anos, en torno ó 25 de xullo, Rianxo celebra a festa de exaltación da xouba. Este ano 2020, na súa 28o edición, non queren deixar de exaltar este prezado produto.
Polas circunstancias que se esta a vivir pola pandemia da COVID-19 van a facelo en colaboración cos establecementos de hostelería que hai no concello.
Desde o concello rianxeiro creen, con razón, que non é momento de facer convocatorias multitudinarias, pero queren que esta próxima fin de semana, en Rianxo se poda degustar a xouba.
Dende o concello, van a proporcionar lotes de xouba para que os establecementos colaboradores a ofrezan nas tapas que se sirvan durante a fin de semana.
Na medida das posibilidades e sen afectar moito á mobilidade, esta fin de semana ampliaran as zonas peatonais para facilitar que nos podamos mover camiñando entre os distintos establecementos hosteleiros e tamén para posibilitar o aumento do espazo para terrazas.
A iniciativa busca que Rianxo siga sendo destino seguro e que as persoas que se acerquen, adoptando as medidas de seguridade necesarias, podan disfrutar deste manxar nas distintas preparacións que se ofrezan.
