Segundo os datos facilitados pola Consellería de Sanidade os casos activos de COVID-19 en Galicia suben por quinto día consecutivo, ao rexistrar este martes dez casos activos máis que o luns, ata os 242 positivos.
O maior incremento prodúcese na área sanitaria da Coruña, onde hai cinco novos positivos, ata os 63; mentres que na de Santiago-Barbanza hai catro novos positivos co brote rexistrado en Boiro de catro membros dunha familia procedente de Madrid–.
Ata este martes, Galicia rexistra un total de 11.236 persoas curadas –oito máis que no parte anterior– e 619 falecementos, dos que 274 están relacionados con residencias de maiores. A cifra de mortes que deixa a pandemia permanece sen variación desde o pasado 10 de xuño. En canto aos casos de COVID en residencias, a situación continúa estable desde o venres, cando Sanidade notificou o positivo dunha traballadora dun centro de Xove (Lugo) que, segundo fontes próximas, contaxiouse, do mesmo xeito que outros familiares, por unha visita procedente de Cataluña.
O número de PCR realizadas en Galicia ata o momento é de 245.003, 876 probas máis 876 máis con respecto aos datos do luns.
