En Boiro presentación da revista Folía – o libro das festas do verán 2020

01 Xullo 2020

O Concello de Boiro realizou esta mañá a presentación da revista Folía, unha publicación que cada ano se edita con motivo das festas do verán. Á
presentación, que se realizou esta maña no Concello de Boiro a concelleira de Cultura, María Outeiral, o técnico de cultura e coordinador da revista, Alberto García, e unha representación das modistas que colaboraron na elaboración de máscaras durante a pandemia e que este ano son as raíñas das festas, Marita e María José.
Aínda que os festexos non se celebran este ano pola Covid-19, desde o
departamento de Cultura decidiuse levar a cabo a publicación da tradicional revista. “Con esta publicación queremos homenaxear a todas as persoas, a todas as empresas e a toda a veciñanza que prestou a súa axuda e que tivo que facer un gran esforzo durante estes meses de pandemia”, afirmou a concelleira.
A publicación deste ano está dedicada ás modistas. “En Boiro temos
unha gran tradición de costureiras e este ano vímolo de xeito especial, con
todas esas persoas que de forma voluntaria traballaron durante a pandemia na elaboración de máscaras para repartir á poboación, por iso este ano son elas as raíñas das festas e lle dedicamos esta publicación”, afirmou a concelleira.
A revista deste ano editouse dun xeito moi semellante ás edicións pasadas. Fai referencia á historia das festas do verán mediante fotos antigas e tamén recentes destes festexos. A publicación tamén inclúe textos dos colaboradores habituais da revista, como son Charo López, Moncho Ares,
Natalia Carou, Antón Gallardo, Xosé Manuel Triñanes, Estevo Silva, Carmen
Hermo… e algúns outros.

Presentación da revista Folía – o libro das festas do verán 2020 de Boiro. Cedida


A publicación do 2020 inclúe tamén anuncios de empresas e comercios locais, de todos aqueles que cada ano colaboran con esta publicación. Este
patrocinio é gratuíto este ano para todas elas, como agradecemento polo
esforzo que fixeron durante a crise ocasionada pola Covid-19.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...