Dúas persoas resultaron feridos leves nun choque entre dous vehículos ocorrido en Aguiño, no cruzamento entre a estrada DP-7307 e a rúa Castelao. Os feridos son un home de mediana idade e unha muller duns 20 anos. Ata o lugar desprazáronse bombeiros de Ribeira, Garda Civil, Policía Local e as ambulancias que trasladaron aos feridos ao hospital comarcal. Veciños do lugar tiveron que botar unha man para apagar cun extintor un pequeno lume que se orixinou nun dos coches.
