Esta madrugada sobre as 12.30 rexistrouse un incendio forestal no Parque periurbano de San Roque en Ribeira. O lume obrigou á intervención sos servizos forestais e do parque de bombeiros quedando controlado nas últimas horas. O lume afectou a unha zona próxima ao anfiteatro si ben non danou ningunha infraestrutura
Por outra banda quedou estabilizado o incendio rexistrado no concello coruñés de Porto do Son, parroquia de San Pedro de Muro, tras comezar onte ás 17,42 h. da tarde. Segundo novas estimacións, a superficie afectada é dunhas 24 hectáreas, das cales 19 son arboradas e 5 de monte raso . No seu control participaron ata o de agora 8 axentes, 18 brigadas, 12 motobombas, 2 pas, 4 avións e 4 helicópteros.
