Boiro inicia os Cursos de Vela de Verán 2020

01 Xullo 2020

O Club Náutico Deportivo de Boiro – Marina Cabo de Cruz inicia esta
tarde os cursos de vela que forman parte dos Veráns Deportivos de Boiro 2020.
A actividade vaise levar a cabo nos meses de verán, desde o 1 de xullo ata o
13 de setembro, de luns a venres de 10.00 a 14.00 horas.
Á inauguración dos cursos van asistir o alcalde, José Ramón Romero, e o concelleiro de Deportes, Marcos Fajardo, para darlle a benvida á rapazada
que vai participar na actividade. A presentación dos cursos vai ser esta tarde, a partir das 16:30 horas, no Club Nautico de Boiro – Marina Cabo de Cruz.
A actividade está destinada para nenos e nenas entre os 8 e os 16 anos
e é requisito que os cativos saiban nadar. O curso inclúe programación práctica e teórica. Toda a información pode solicitarse no enderezo electrónico escolanauticaboiro@gmail.com ou no teléfono 622 884 846.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...