O lume afecta á parroquia de Lesón, concretamente á saia do monte A Curota, e empezou ao redor das 3,30 horas deste sábado, polo que “todo indica que foi intencionado”, tal e como indicou Medio Rural.
Segue activo e para controlalo mobilizáronse ata o de agora cinco axentes, seis brigadas, cinco motobombas e unha pa.
Está previsto segundo a Consellería que se incorporen medios aéreos para colaborar nos labores de extinción.
A Consellería lembra que hai un número gratuíto, o 085, ao que os cidadáns deben chamar se detectan algún incendio forestal. Outro teléfono anónimo e gratuíto, o 900 815 085, permite denunciar actividades delituosas incendiarias.
