A tartaruga Abanqueiro xa nada libre cara as augas do Caribe

08 Xullo 2020

Abanqueiro, a tartaruga mariña común que foi atopada en maio no litoral da parroquia boirense do mesmo nome, xa nada ceiba no Atlántico en dirección a augas máis tépedas (as do Caribe) e sen o lastre que significa o plástico que levaba dentro, obstruíndo gravemente o seu aparato dixestivo. Así o comunicaron este xoves 8 de xullo os técnicos da Asociación Coordinadora para o Estudo dos Mamíferos Mariños (CEMMA) e da Consellería de Medio Ambiente, que participaron no Grove na liberación da tartaruga, xunto coa directora xeral de Patrimonio Natural, Belén do Campo.

Os encargados da recuperación de Abanqueiro, tras a súa localización en maio, foron os técnicos da coordinadora CEMMA, que facilitaron todos os coidados oportunos para restituír a saúde da tartaruga, que mostrou melloría no seu estado despois de expulsar material plástico que causaban unha obstrución parcial no seu sistema dixestivo.

A directora xeral recordou “a importancia de evitar a presenza de plásticos no mar, porque ademais de ser un foco de contaminación do ecosistema importante, poden chagar a provocar a morte e feridas importantes ás aves e aos mamíferos mariños que habitan a costa galega”. Salientou que detrás da recuperación de Abanqueiro está o traballo e profesionalidade do equipo de CEMMA, pois no momento no que foi localizada o exemplar medía 31 cm, pesaba dous quilos e presentaba varias feridas de pouca consideración nas aletas e na cuncha.

Outros artigos

Publicidade

Revista en papel

Opinión

“Obrigacións e dereitos”. Luís Celeiro

“Obrigacións e dereitos”. Luís Celeiro

Era un gusto falar con el e escoitalo falar, ata que chegaba a hora de pagar. Despois devarios anos, todos esperaban todos os días a que pagara el, pero nunca acontecía o milagre.Era agarrado, un cotroso e conicho como son os coreños. Na taberna pedía do mellor,...