O Concello da Pobra entregou os premios do concurso Fóra Meigallo!, convocado para celebrar a través da rede social Facebook a festividade de San Xoán, ás tres gañadoras do certame.
O concurso, como lembraremos, levouse a cabo entre o 19 e o 22 de xuño, e o seu obxectivo foi “pór en valor do medio natural que nos rodea en relación cos costumes tradicionais galegos relativos a esta data”, ou sexa, a importancia das plantas, rituais e expresións orais que van ligadas ao San Xoán da Pobra do Caramiñal.
Tamén tivo o obxectivo de seguir mantendo viva a chama da dita festividade, nun ano en que se tiveron que cancelar todas as celebracións de índole pública.
Os premios ás tres gañadoras consistiron nunha bolsa de tea co lema do concurso, con material para axudar á reciclaxe na casa e nas praias, e máis material sobre varias campañas de sensibilización medioambiental realizadas polo Concello. As gañadoras foron:
1- Dolores Devesa Casais (14 gústame ás 12:00 do día 22/06/20)
2- Alicia Seoane Cameán (11 gústame ás 12:00 do día 22/06/20)
3- MryMrs Basallo Rego (5 gústame ás 12:00 do día 22/06/20)
