O Concello de Boiro visitou este martes 14 de xullo as instalacións do CEIP de Escarabote para verificar as obras de mantemento que se fixeron no colexio para poñelo a punto de cara ao vindeiro curso. Na visita participou a concelleiro de Ensino, María Outeiral, quen tamén tomou nota das actuacións pendentes de realizar. Segundo fixo saber, o obxectivo co Goberno local é “aproveitar o verán para solucionar as deficiencias que presentan as instalacións e que estean listas para cando se retomen as aulas”.
No CEIP Escarabote os operarios municipais estiveron realizando tarefas de acondicionamento, tanto interior como exterior, así como limpezas xerais de todo o edificio.
Entre as tarefas no interior do edificio que realizaron están o pintado de aulas e zonas comúns e o arranxo dos marcos de madeira das xanelas (con vistas a protexelas das filtracións de auga e das humidades). Entre as tarefas no exterior, os operarios realizaron traballos de roce nos espazos axardiñados, poda de árbores, limpeza de patios, pintado de varandas e barrotes…
