31 veciños gañadores do concurso “Animarte na Casa” recolleron os seus bonos de 150 euros

O Centro Cultural Lustres Rivas foi o escenario elixido para a entrega dos bonos de 150 euros aos 31 gañadores do concurso AnimArte na Casa que co obxecto de axudar ao comercio e á hostalería local ao tempo que se contribuía a que oa ribeirenses sobrelevasen o confinamento se puxo en marcha durante o estado de alarma.
María Sampedro, concelleira de Cultura, foi quen fixo efectiva esta entrega nun evento non tan vistoso como sería desexable dadas as limitacións covid pero que serviu para poñerlle rostro aos artífices das creacións artísticas que máis gústames acadaron nas súas categorías neste certame dentro da páxina de Facebook do “Entérate Ribeira”.

Por outra parte, o resto dos 438 participantes que tomaron parte en
AnimArte na Casa xa poden recoller no Centro Cultural Lustres Rivas
os seus bonos por valor de 30 euros, a investir igualmente no comercio e a hostalería local. Hai 81 negocios adheridos de diversas parroquias.
Tanto nos bonos de 150 euros como nos de 30 hai de prazo dende hoxe ata o 28 de setembro para sacarlles proveito.