18 millóns de unidades de semente de ameixa babosa e fina para repoboar os bancos marisqueiros galegos

Esta repoboación con especies autóctonas será realizada por sete confrarías e unha asociación nunha superficie de máis de 121.000 metros cadrados. O goberno galego informa que estas e outras accións están subvencionadas ao amparo da convocatoria de axudas a proxectos colectivos para a conservación e restauración da biodiversidade e dos ecosistemas mariños.

O Goberno galego tamén informou trala xuntanza dos xoves que case 200 profesionais do marisqueo a pé e cinco embarcacións participarán na recollida de lixo mariño en Galicia.