Entre mañá xoves e o venres unha borrasca fría illada non habitual destas datas chegará ata as inmediacións do Cantábrico, cun embolsamento de aire frío asociado en capas altas e baixas da troposfera que, en superficie, provocará temperaturas ata 10 º C por baixo do habitual.
Esta previsto que unha fronte asociada á esa borrasca se vaia desprazando pola costa cara o interior, onde se producirán precipitacións que empezarán por Galicia na madrugada do xoves.
A borrasca será moi profunda, xerará fortes ventos e mala mar na zona norte peninsular e aumentando a súa intensidade no litoral a partir do mediodía.
O venres continuaremos con moita inestabilidade aumentando a forza do vento en toda Galicia. Así, agárdase unha xornada de chuvascos que poderían ser localmente fortes e vir acompañados de saraiba. As temperaturas continuarán sen cambios significativos. Os ventos soprarán de compoñente oeste moderados, con intervalos fortes no litoral.
O tempo mellorará cara o final do venres para volver a empeorar, aínda que sin sen tan malo, o domingo.
