Vegalsa-Eroski abre un supermercado Cash & Carry en Ribeira

A zona ribeirense de Xarás conta cun novo supermercado Cash & Carry que, baixo a marca Cash Récord, abreu a empresa Vegalsa-Eroski.

O novo establecemento está ubicado na parcela que ocupaba Bricoking, dispón de 1.600 metros cadrados para a sala de vendas, ademais dun aparcamento con capacidade para 68 prazas. A creación deste novo centro supuxo o investimento de máis de 1,5 millóns de euros, e dará traballo a un persoal de 16 persoas. Conta con 6.400 referencias de produtos de alimentación, droguería, enxoval e adega con formatos adaptados ao sector de hoteis, restaurantes, cafeterías e comerciantes polo miúdo. Ademais, ofrece un servizo de compra on- line e recollida en tenda, podendo o usuario pasar a recollelo ao aparcadoiro ás catro horas de facer o pedido. Este novo supermercado, que abrirá as súas portas de 8.30 a 13.30 e de 15.30 a 20.00 horas, deseñouse seguindo un modelo de tenda ecoeficiente, para reducir o impacto ambiental a través dun menor consumo enerxético.

Novas instalacións de Vegasla- Eroski na zona ribeirense de Xarás. Remitida