Ribeira conmemora o Día da Diversidade Sexual cun ciclo Online de curtametraxes e actos telemáticos

25 Xuño 2020

O Concello de Ribeira vén de preparar unha programación de actividades dirixidas a conmemorar o Día da Diversidade Sexual que, dados os
condicionantes do covid-19, será integramente online.
A concelleira de Igualdade, Ana Ruiz, e a directora do Centro de Información á Muller, Dolores Crujeiras, encargáronse esta mañá de divulgar este calendario de eventos, que principiará na mañá deste
venres 27 de xuño cunha videocreación de apertura que se compartirá por Facebook e correrá a cargo do artista multidisciplinar Samuel Merino, máis coñecido no mundo virtual como Pomba e Boato.


A continuación divulgarase un ciclo de cinco laureados curtametraxes
LGTBIQ+ pola diversidade e contra intolerancia cuxos dereitos de emisión o Concello vén de contratar para amosar entre toda a cidadanía que queira achegarse a esta temática. Organizado en colaboración con CortaEspaña, o seu visionado estará dispoñible ata o 3 de xullo.
As pezas que se exhibirán a través dun enlace que se fará público nas redes sociais municipais (Facebook, Twitter e Instagram) e na páxina web ribeira.gal son “Dicen (they say)” dirixido por Alauda Ruiz de Azúa, “La huida” de Julio Montejo e Manu Montejo, “La pureza” de Pedro Vikingo, “Love wars” de Vicente Bonet, e “Y otro año, perdices”, de Marta Díaz de Lope Díaz.


A programación concluirá o 3 de xullo coa emisión dun videorelatorio formativo de peche a cargo de Patricia Freire, educadora social do colectivo Afectividades (Diversidade sexual – Feminismo).
Así mesmo, para celebrar o Día da Diversidade Sexual que se
celebra o 28 de xuño a fachada consistorial estará iluminada coas
cores do simbólico arco da vella.

Programación dia 28 de xuño Día da Diversidade

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...