A empresa Renobat Galicia, da que falamos recentemente para informar dos seus plans para ampliar a súa presenza na nosa comarca, vén de facer balance dos traballos desenvolvidos para contar cunha nova nave no Polígono de Rianxo, unhas dependencias que, segundo prevén os responsábeis da firma, estarán listas para ser ocupadas entre setembro e outubro deste mesmo ano.
A sede rianxeira de Renobat Galicia estará na parcela 36 do dito parque empresarial e terá unha superficie de 3.046 metros cadrados, que adquiriu a Suelo Empresarial Atlántico (SEA) por 175.449 euros máis IVE no ano 2018. A empresa adícase á reparación de maquinaria industrial e venta, alugueiro e reparación de carretillas elevadoras. O investimento total foi de preto de 600.000 euros.
Renobat Galicia dará emprego a unas 15 persoas dende as ditas dependencias. As novas instalacións contarán cunha nave de 500 metros, con taller de carretillas elevadoras e maquinaria agrícola e industrial así como con espazo de oficinas.
