O Diario Oficial de Galicia (DOG) publica este sábado unha resolución da Consellería de Sanidade que amplía ata o total de tres metros cadrados por persoa os aforos permitidos a partir do 1 de xullo tanto en praias como en parques infantís, parques biosaudables, zonas deportivas, pistas de ‘skate’ e outros espazos públicos ao aire libre similares.
Estas zonas estenden así o máximo de cidadáns permitidos, debido a que polo momento o límite estaba fixado nunha persoas por cada catro metros cadrado.
As normas establecen que os concellos deberán dictar as medidas necesarias para garantir que os cidadáns manteñen as distancias de seguridade interpersoal e as entidades locais poderán establecer límites tanto nos tempos de permanencia nos areais como no acceso aos aparcamentos para “facilitar o control da capacidade”.
A resolución publicada este sábado no DOG tamén amplía o aforo permitido, ata o 75 por cento do máximo, para locais de azar e casinos, para albergues turísticos e para actividades destinadas á poboación infantil e xuvenil en espazos pechados, aínda que non poderán participar máis de 150 persoas, incluídos monitores-.
No caso de que estes últimos teñan lugar en espazos abertos, mantense o límite ao 75 por cento e cun máximo de 250 persoas.
A Consellería de Sanidade engade unha instrución para a celebración de competicións federadas e eventos deportivos en espazos abertos en vía pública que conten con asistentes, entre as que menciona atletismo, ciclismo, ‘ rallies’ automobilísticos, remo e similares.
