O Centro de Información á Muller (CIM) de Ribeira informou este luns 29 de xuño de que aínda quedan prazas dispoñíbeis no obradoiro de teatro terapéutico promovido por este centro dependente da Concellería de Igualdade. A actividade desenvolverase do 1 ao 17 de xullo no Auditorio Municipal e será impartida pola psicóloga, actriz e formadora dramática Nekane Fernández, doutora en Teatro, Expresión corporal e Sociedade e profesional con ampla experiencia nas artes escénico-teatrais, relaxación creativa e clown.
As inscricións deben ser realizadas no Centro de Información á Muller (Deán Pequeno nº4 baixo; teléfono 981 874 131; cim@ribeira.gal).
