O parque natural de Corrubedo cumpre 28 anos e o celebra cun programa que persegue promovelos atractivos naturais da zona, un aniversario que coincide co Día do Medio Ambiente e o Día Mundial dos Océanos, o luns. Entre as propostas figuran roteiros guiados polo parque. Haberá camiñadas practicamente a diario e os interesados en sumarse a elas teñen que inscribirse previamente no centro de recepción de visitantes ou chamando ao teléfono 981 878 532. O horario de apertura deste recinto é de martes a domingo, de 10.30 a 14.00 e entre as 16.00 e as 19.30 horas.
Este venres hai programada un roteiro especial, que levará aos participantes ata a zona do río, onde terán a posibilidade de participar na procura de orquídeas. E o domingo levará a cabo outro percorrido baixo o título “Internareal, máis que area e mar”. Tamén para sumarse a estas camiñadas guiadas é imprescindible anotarse previamente no centro de recepción de visitantes do parque.
