O Concello de Boiro promove este mes, no Centro Social de Cabo de Cruz, a exposición pictórica que leva por título ”Contrapuntos” e que acolle as obras de Esther Molinero e Pepa Mariño, artistas afincadas en Compostela. A mostra contén creacións moi coloridas e con textura e pode verse durante todo o mes de luns a venres de 9.00 a 14.00 horas.
Esther Molinero é natural de Almodóvar e realizou exposicións nacionais e internacionais, realiza docencia no seu propio taller e é confundadora da Asociación Galega de Arte e Pintura. Nesta mostra presenta unha selección das súas últimas obras de tintas sobre lenzo, nas que se alían delicadeza e poesía coa harmonía cromática e a técnica depurada para ofrecer ao espectador paisaxes idílicos repletos de vida nos que ten presenza a figura feminina, a natureza, as aves e as flores.
Pepa Mariño, natural de Pontevedra, desenrola a súa actividade artística no campo da escultura e a pintura, colaborou en numerosas publicacións e exposicións, tanto dentro como fora de España e é tamén cofundadora da mesma asociación. Ofrece á mostra un contrapunto cunha serie de obras realizadas, na súa maior parte, en técnica mixta sobre lenzo e algún collage, en distintos formatos e de variada iconografía, cun transfondo de preocupación social e alusión a problemas puntuais do momento que nos toca vivir.
A selección de obras que se expoñen en “Contrapuntos” pretenden atrapar ao espectador e transmitirlle co seu particular linguaxe expresivo os seus sentimentos e emocións. A mostra pode verse de luns a venres, en horario de 9.00 a 14.00 horas, no Centro Social de Cabo de Cruz, ata finais do mes de xullo.
