O voo de repatriación aterrou no aeroporto Rosalía de Castro a bordo do voo especial fretado pola súa empresa e que é operado pola compañía Privilege Style. Un cento de mariñeiros, concretamente 102, foi a pasaxe que desembarcou esta noite no aeroporto de Santiago de Compostela despois dun voo de máis 6 horas de duración.
O grupo de pasaxeiros deste voo foi sometido ao test do Covid19 e deron todos resultados negativos. De igual modo foron embarcados e illados cumprindo todas as medidas de seguridade previas ao voo de regreso a Galicia. A empresa que freta o voo para elixido o aeroporto de Santiago de Compostela debido a que todos os pasaxeiros son españois con residencia en Galicia e para evitar desprazamentos intermedios dentro do territorio nacional.
Aínda que é certo que o aeroporto compostelán non figura como aeroporto de entrada internacional na Orde Ministerial, cabe lembrar que segundo publica tamén o BOE «estes voos de repatriación poden operar se se solicita previamente a Sanidade para que se lles conceda o permiso correspondente». Sanidade finalmente autorizou este voo de repatriación e esta noite chegará o voo de repatriación.
Segundo informa aeronoticiario SCQ, os 102 pasaxeiros serán desembarcados ao interior da terminal cumprindo co protocolo sanitario correspondente que Aena xa deseñou para todos os aeroportos españois e que no caso de Santiago poñeríase en marcha o vindeiro domingo co inicio da desescalada pero que se adianta a esta noite.
