O Sergas comezará este luns, 8 de xuño, os test da segunda onda do estudo de seroprevalencia para coñecer a circulación do coronavirus COVID-19 na Comunidade galega, tras a baixa incidencia apuntada pola primeira parte (apuntou unha prevalencia dun 1%).
Deste xeito, a segunda parte comeza despois de que entre o mércores e xoves pasados os centros de saúde galegos recibisen as listaxes para contactar e convidar aos seleccionados a participar de forma voluntaria.
A primeira parte levouse a cabo entre o 23 de abril e o 8 de maio para analizar a circulación do virus SARS- Cov2 en Galicia na que o Sergas realizou unha mostra de 50.925 participantes, a mesma prevista para esta segunda onda.
Os resulatdos da primeira mostraxe dou como resultado que a COVID-19 circulou pouco por Galicia, cunha prevalencia do 1,15 por cento, con Ourense como a provincia con maior porcentaxe, 1,88% (5.609 persoas), e A Coruña co menor, 1,07%.
A Consellería de Sanidade estima que uns 30.000 galegos están inmunizados, deles 17.000 mulleres e 13.000 homes.
Segundo os datos detallados por áreas, na da Coruña a prevalencia foi a menor das sete e sitúase no 0,62%, con 322 positivos de entre 7.142 test; mentres que na de Santiago e Barbanza a circulación foi do 1,02% (4.513 persoas) con 55 positivos en 7.117 probas.
