Un desmaio pode estar detrás do accidente que esta mañá se rexistrou na estrada da Gándara na parroquia de Artes. A condutora sinteuse mal e perdeu o control do turismo, que se saíu da vía e acabou no medio dunha leira, da que levou varios postes por diante.
Ata o lugar do suceso desprazouse unha ambulancia do 061, que trasladou á ferida ao hospital de Barbanza, xa que se queixaba dunha forte dor no peito, ademais de sentirse mareada. No sucesos interviu persoal do GAEM, a Policía Local e bombeiros de Ribeira e da Garda Civil.