A área de Xuventude de Rianxo vén de achegar máis datos sobre a celebración do Campamento de Verán 2020, unha histórica cita de lecer e talento xuvenil que desta volta virá marcada pola crise sanitaria e que, polo tanto, incluirá en todos os elementos do seu programa (e do formato das actividades) medidas estritas de control e seguridade.
Como confirmamos os días pasados, o Campamento de Verán Rianxo 2020 celebrarase do 13 de xullo ao 28 de agosto nas instalacións do Pazo de Rianxiño, do CEP Brea Segade de Taragoña e o CEIP Ana Mª Diéguez de Asados. Achegaranse 160 prazas. A cota de inscrición, que se pode formalizar a partir deste venres 26 de xuño, é de 80 euros.
O programa de actividades seguirá “as recomendacións e medidas sanitarias establecidas”, co obxectivo de garantir a seguridade de todas e todos as/os participantes. O horario será de 10:30 a 13:30 horas. Polo que respecta ao Plan Madruga, será a partir das 8.00 horas (a cota é de 15 euros).
Nos vindeiros días, o departamento de Xuventude do Goberno local irá achegando máis datos sobre a actividade. Toda a información relativa á actividade irase publicando baixo o cancelo #camprianxo2020. Para máis datos, visitar a web do Concello de Rianxo.
Prazas
Campamento: 160, distribuídas do seguinte xeito:
Pazo de Rianxiño: 80
CEP Brea Segade: 40
CEIP Ana Mª Diéguez: 40
Plan Madruga: 40, distribuídas do seguinte xeito:
Pazo de Rianxiño: 20
CEP Brea Segade: 10
CEIP Ana Mª Diéguez: 10
