A Consellería do Mar vén de convocar un novo curso de mariñeiro/a pescador/a na modalidade online que terá lugar entre o 18 de xuño e o 10 de xullo cunha duración de 50 horas. Esta formación estará titorizada desde o Instituto Politécnico Marítimo-Pesqueiro do Atlántico de Vigo.
O período de matrícula para este curso, que conta con 60 prazas, está aberto desde o pasado xoves ata o vindeiro 15 de xuño ás 15:00 horas. A relación de admitidos será establecida en función da hora e do día da matrícula.
A documentación a presentar ante o Instituto Politécnico Marítimo-Pesqueiro do Atlántico de Vigo para poder inscribirse no curso vén indicada no Anexo II da orde pola que se establecen as bases e se regula o procedemento para a obtención das titulacións de mariñeiro/a pescador/a, patrón/patroa local de pesca e patrón/patroa costeiro/a polivalente na comunidade.
Unha vez que remate o curso de teleformación realizarase un exame presencial no centro dependente da Consellería do Mar con sede en Vigo. Así mesmo, será necesario superar unha proba de natación o mesmo día do exame para poder presentarse á proba final.
Villaverde fai un chamamento á frota, dende Portosín, para beneficiarse das axudas destinadas a mellorar a seguridade e a eficiencia nos buques
A conselleira do Mar, Marta Villaverde, animou a solicitar a partir deste 22 de xaneiro as axudas para a mellora da seguridade e a eficiencia de buques pesqueiros, dotadas con 6,4 millóns de euros e co-financiadas co Fondo Europeo Marítimo, de Pesca e de Acuicultura...
