O Tribunal Superior de Xustiza de Galicia (TSXG) confirmou a sentenza da Audiencia Provincial da Coruña que condenou a oito anos de cárcere a un veciño da Pobra como autor dun intento de homicidio.
Os maxistrados rexeitan o recurso do condenado contra a resolución, que tamén lle impuxo a prohibición de comunicarse e aproximarse á vítima, así como acudir e residir no termo municipal ribeirense durante 15 anos. O fallo xudicial conclue que o imputado querría matar á súa exmoza. Ademais, subliñan que «non resulta posible a apreciación da drogadicción e alcoholismo como eximente completa», pois consideran que «ningunha proba existe de que tales consumos, aínda supoñendo que existisen o día dos feitos, tivesen incidencia sobre o coñecemento e a vontade do acusado». Os maxistrados do TSXG tamén cren que a Audiencia aplicou correctamente a agravante de xénero.
