O alcalde de Boiro, José Ramón Romero, e o teniente de alcalde, Luís Ruiz, visitaron o porto de Cabo de Cruz para coñecer o estado do proxecto de construción de pantaláns para embarcacións de acuicultura. Na tarde do
venres chegaron parte das pezas de gran envergadura que formarán o
rompeolas.
Os traballos estanse a realizar na dársena sur, que é a destinada para as embarcacións de acuicultura, e que vai permitir o amarre de ata cen embarcacións con esloras de entre 14 e 22 metros. Con este proxecto vaise
mellorar a seguridade e condicións de traballo do sector mexilloeiro en Cabo de Cruz.
Na tarde do venres chegaron ao porto de Cabo parte das pezas que van formar o rompeolas, estruturas de formigón de 5 metros de ancho por 20 de
largo fabricadas en Galicia e que servirán de abrigo do oleaxe para a dársena sur. Para o transporte destas pezas precisouse un transporte especial e reservar parte do espazo de aparcamentos da Avenida da Constitución durante a tarde.
O alcalde e o teniente de alcalde visitaron o porto da Cabo de Cruz durante a chegada das pezas e tamén visitaron a parte do pantalán que xa están utilizando os bateeiros para coñecer cal é o estado de execución das obras, que teñen previsión de rematar a finais do verán.
Ruiz, visitaron o porto de Cabo de Cruz
