O Conservatorio Municipal de Ribeira (Conservatorio Enrique Paisal) vén de abrir o prazo para matrícula na proba de acceso ao primeiro curso de grao profesional, un proceso que estará aberto até o día 10 de xuño e que será integramente telemático, o que evitará ás persoas interesadas que teñan que desprazarase até o devandito centro docente para formalizar a inscrición.
Con tal motivo, o Concello vai acubillar na súa web un impreso para facilitar a achega de datos das alumnas e alumnos que queiran matricularse con só descargar o devandito documento, completar a información persoal e envialo logo de volta á conta de correo conservatorio@ribeira.gal, acompañado do xustificante de pago e a fotocopia do DNI.
A proba de acceso levarase a cabo durante este mes de xuño a partir do día 15 e con data aínda por concretar. Se os aspirantes non superan as prazas ofertadas a proba farase tamén de xeito telemático seguindo as instrucións da Consellería de Educación.
