O Complexo Polideportivo da Fieiteira contará cunha nova instalación consistente nun circuíto pump track que se construirá nunha parcela anexa a estas instalacións coa fin de satisfacer as necesidades de ciclistas,
skaters e usuarios de patinetes.
Para cofinanciar a execución desta actuación o Concello vén de recibir unha achega de Vicepresidencia e Consellería de Presidencia, administracións Públicas e Xustiza, ao abeiro da orde de 12 de decembro de 2020 pola que se establecen as bases reguladoras e se convocan as subvencións para a creación ou mellora das infraestruturas, dotacións, instalacións e equipamentos vinculados á prestación de servizos municipais, destinadas a concellos de Galicia para o ano 2020.
A intervención subvencionada incluirá outras melloras por un
orzamento total de 88.349 euros, IVE incluído, do cal 40.000
corresponderá á citada achega autonómica.
De acordo co proxecto elaborado, o circuíto disporase nunha superficie de 800 metros cadrados. Contará cun trazado parecido a un boomerang con curvas comprendidas entre 70º e 170º e cinco rectas definidas por distintos obstáculos ata sumar unha lonxitude de corda total de 100 metros. Todo o percorrido manterá unha anchura de 1,80 metros.
As obras necesarias inclúen a limpeza e nivelación do terreo, canalizacións de auga, perfilado de obstáculos, revisión e proba do circuíto en terra, asfaltado, sinalización e acabado de zonas internas do trazado.
O Hospital do Barbanza e o Clínico de Santiago súmanse á celebración do Día do Alzhéimer
A Área Sanitaria de Santiago de Compostela e Barbanza quere sumarse á concienciación para a prevención no Día Mundial do Alzhéimer que se celebra cada 21 de setembro e faino unto a AGADEA. A Asociación Galega desta Enfermidade puxo mesas informativas nos hospitais...
