619 rosas brancas honran ás vítimas do coronavirus en Galicia nun acto con representación das principais forzas políticas

13 Xuño 2020

Presidido polo xefe do executivo galego, Alberto Núñez Feijóo, a homenaxe abriuse cos himnos de España e Galicia, que deron paso ao descubrimento dunha placa en recordo das vidas por parte dun grupo de familiares.

No pequeno escenario, no que cobraron especial protagonismo as 619 rosas brancas, a cantante Luz Casal e o gaiteiro Carlos Núñez interpretaron en ‘Negra Sombra’, poñendo música ao poema de Rosalía de Castro.

619 rosas brancas honran ás vítimas do coronavirus en Galicia. O presidente da Xunta, Alberto Núñez Feijóo, asiste aos actos en recordo das vítimas da covid-19 celebrados no Patio de Cristal do Hotel Monumento San Francisco 13/06/20.

A este sinxelo acto acudiron representantes da vida civil e política de Galicia, entre eles o presidente do Parlamento galego, Miguel Ángel Santalices; o delegado do Goberno, Javier Losada; e alcaldes de cidades como Xosé Sánchez Bugallo (Santiago), Lara Méndez (Lugo), Ángel Mato (Ferrol) e Miguel Anxo Fernández Lores (Pontevedra); ademais do presidente galego e varios membros do seu Executivo.

O presidente da Xunta, Alberto Núñez Feijóo, asiste aos actos en recordo das vítimas da covid-19 celebrados no Patio de Cristal do Hotel Monumento San Francisco e na igrexa de San Francisco. Santiago de Compostela, 13/06/20.

Acudiron, acompañados de membros das súas formacións, o secretario xeral do PSdeG, Gonzalo Caballero; a portavoz nacional do BNG, Ana Pontón; o portavoz da coalición Galicia en Común- Anova Mareas, Antón Gómez-Reino; o candidato á Xunta de Marea Galeguista, Pancho Casal; e a portavoz de Cidadáns Galicia, Beatriz Piñeiro.

O presidente da Xunta, Alberto Núñez Feijóo, asiste aos actos en recordo das vítimas da covid-19 celebrados no Patio de Cristal do Hotel Monumento San Francisco Santiago de Compostela, 13/06/20.

Tras este acto institucional organizado pola Xunta, as autoridades dirixíronse á Igrexa de San Francisco, onde o arcebispo de Santiago de Compostela, Julián Barrio, oficiou o funeral en memoria das 619 vidas que se cobrou a pandemia na Comunidade.

O presidente da Xunta, Alberto Núñez Feijóo, asiste aos actos en recordo das vítimas da covid-19 celebrados na igrexa de San Francisco. Santiago de Compostela, 13/06/20.

O arcebispo Monseñor, Julián Barrio, animou a manter a esperanza para enfrontar, ata a súa derrota, a enfermidade que se converteu nunha pandemia de alcance mundial que “nos impactou e descubriunos”, á vez, “signos dunha humanidade que nos encheron de gratitude e de asombro”.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...