A proposta fíxose chegar esta tarde ao Ministerio de Sanidade e, posteriormente, os técnicos decidirán se lle dan ou non o visto e prace a unha demanda que insiste na desescalada por áreas sanitarias.
No documento que se remitiu ao Ministerio de Sanidade faise referencia, atendendo aos datos que esixe o Goberno central para a desescalada, á capacidade que ten Galicia tanto en camas de uci como hospitalarias. Segundo indicou o con conselleiro de sanidade, Vázquez Almuíña, na comunidade xa había máis de 9.000 camas no ano 2017, e coa chegada da pandemia, esa capacidade incrementouse coa habilitación de hospitais de campaña na Coruña e en Santiago. Aínda que esas instalacións non chegaron a utilizarse, o conselleiro subliñou que poderían poñerse en marcha en calquera momento. Con ese argumento tratará de convencer ao Ministerio de que Galicia está preparada para pasar á fase 1 o luns 11.
